ბაიერნის აგვისტოს თვის საუკეთესო ფეხბურთელი ცნობილია

მოგეხსენებათ, აგვისტოს თვეში მიუნხენის "ბაიერნი" ჩემპიონთა ლიგის დასკვნით ეტაპზე გამოდიოდა, სადაც წარმატებას მიაღწია და სეზონი ტრიუმფით დაასრულა. შესაბამისად, გასული თვე ერთ-ერთი ყველაზე მნიშვნელოვანი გახლდათ სეზონში.

"რეკორდმაისტერის" გულშემატკივრებმა აგვისტოს თვის საუკეთესო ფეხბურთელად კაპიტანი, მანუელ ნოიერი დაასახელეს. მან ხმების 39% აიღო და დაახლოებით 12%-ით აჯობა მეორეზე გასულ კინგსლი კომანს, რომელმაც საჩემპიონო გოლი გაიტანა.

მესამე ადგილზე რობერტ ლევანდოვსკი გავიდა 10%-ით, მეოთხე და მეხუთე ადგილები კი შესაბამისად ალფონსო დეივისმა და თომას მიულერმა გაინაწილეს 7-7 პროცენტით.