რატომ არ შედგა ჩაკვეტაძის ტრანსფერი ბაიერნში

მოგეხსენებათ, 2 წლის წინ გიორგი ჩაკვეტაძემ ბელგიას მიაშურა. ვიდრე გიორგი ჩაკვეტაძე ბელგიურ "გენტში" გადავიდოდა, მას მიუნხენის "ბაიერნის" ვარიანტი ჰქონდა. თუმცა, ახალგაზრდა ნახევარმცველმა კარიერის გაგრძელება ბელგიაში ამჯობინა.

აღნიშნულ თემაზე კომენტარი თავად გიორგიმ გააკეთა და დაასახელა ის მიზეზი, თუ რატომ არ გადავიდა ბავარიულ გრანდში სათამაშოდ.

"გენტში კონტრაქტს ევროპის ჩემპიონატამდე მოვაწერე და სხვა კლუბში წასვლა უკვე აღარ შემეძლო."

"გარდა ამისა, ვიცოდი რომ აქ უფრო მეტი სათამაშო დრო მექნებოდა, ვიდრე "ბაიერნში" ან თუნდაც მანჩესტერში. მათი წარმომადგენლები ამას ვერ მპირდებოდნენ თავის განცხადებებში." - აცხადებს ჩაკვეტაძე.