სხვა შედეგი არ მიიღება მხოლოდ გამარჯვება ჰიონესი დერ კლასიკერზე

მიუნხენის "ბაიერნის" პრეზიდენტმა, ული ჰიონესმა, მოახლოვებულ "დერ კლასიკერზე" ისაუბრა.

"შაბათს არანაირი თავის მართლება არ იქნება! წაგებაზე ფიქრიც კი არ მინდა. უნდა მოვიგოთ, ჩემთვის სხვა ალტერნატივა არ არსებობს.

რომც ვერ მოვიგოთ, მინდა, რომ მაინც გავხდეთ ჩემპიონები, მაგრამ ამ შემთხვევაში ამის ღირსები უბრალოდ არ ვიქნებით, ვინაიდან "ბორუსიასთან" პირველი მატჩი წავაგეთ.

ჩვენმა გუნდმა უნდა დამტკიცოს, რომ ჩვენ მხოლოდ გამარჯვება გვინდა", - განაცხადა ულიმ.

ამ მომენტისთვის მიუნხენური კლუბი დორტმუნდის "ბორუსიას" ორი ქულით ჩამორჩება და "ალიანს არენაზე" ლიდერების დაპირისპირება 6 აპრილს გაიმართება.