ლევანდოვსკი ბუნდესლიგა ჯერ არ მოგვიგია

მიუნხენის "ბაიერნის" ცენტრალურმა თავდამსხმელმა, რობერტ ლევანდოვსკიმ, დღევანდელი სუპერ "დერ კლასიკერი" შეაფასა.

"ძალიან ამაყი ვარ, რომ ბუნდესლიგაში 200 გოლიანი ზღვარი გადავლახე. არასოდეს მიფიქრია, რომ ოდესმე ამას მივაღწევდი.

ბუნდესლიგა ჯერ მოგებული არაა. ჩვენ კონცენტრაცია ბოლომდე უნდა შევინარჩუნოთ და დარჩენილი მატჩები მოვიგოთ", - განაცხადა ლევიმ.

"რეკორდმაისტერმა" დორტმუნდის "ბორუსია" შინ 5:0 გაანადგურა და 30 წლის პოლონელმა ფორვარდმა დუბლი გაიფორმა.

ლევანდოვსკიმ გერმანიის ბუნდესლიგაში უკვე 201 გოლი დააგროვა.

მიუნხენურმა კლუბმა დორტმუნდის "ბორუსია" სატურნირო ცხრილში ერთი ქულით ჩამოიტოვა უკან.