კოვაჩი ჩემი გუნდით ვამაყობ

მიუნხენის "ბაიერნის" მთავარმა მწვრთნელმა, ნიკო კოვაჩმა, დორტმუნდის "ბორუსიასთან" გუშინდელი მნიშვნელოვანი გამარჯვება შეაფასა.

"ჩვენ ფანტასტიკური მატჩი ჩავატარეთ - მთელი 90 წუთის განმავლობაში ძალიან კარგად ვმოქმედებდით. ეს შთამბეჭდავი იყო. საკუთარი გუნდით ვამაყობ.

როდესაც იგებ, შენ არაფერს აკეთებ კარგად, მაგრამ მარცხის შემთხვევაში ყველაფერი ცუდად გაგიკეთებია. მწვრთნელების ბედი ასეთია. მორალისტი არ ვარ, მაგრამ ეს ძალიან მაღიზიანებს.

დღევანდელი გამარჯვება სრულიად დამსახურებულია, მაგრამ საჩემპიონო ბრძოლა ჯერ არ დასრულებულა. დარჩნილ მატჩებშიც ასე უნდა ვიასპარეზოთ", - განაცხადა კოვაჩმა.

ბუნდესლიგის 28-ე ტურში მიუნხენელებმა შინ "დერ კლასიკერი" 5:0 მოიგეს და "ბორუსიას" 1 ქულით გადაასწრეს.