ლევანდოვსკი ბაიერნი აუცილებლად დაიმატებს მაღალი დონის ვინგერს

მიუნხენის "ბაიერნის" ცენტრალურმა თავდამსხმელმა, რობერტ ლევანდოვსკიმ, ლეროი სანეს პოტენციური ტრანსფერი შეაფასა.

"ბაიერნის" გერმანელი მოთამაშეები სანეს ტრანსფერს სულმოუთმენლად ელიან, მაგრამ უნდა მოვითმინოთ და ვნახოთ რა მოხდება.

რიბერი და რობენი ლეგენდები არიან - მათი წასვლა მართლაც სამწუხაროა. თუმცა "ბაიერნი" აუცილებლად დაიმატებს უკეთეს შემცვლელებს.

დარწმუნებული ვარ, რომ გარემარბი, რომელსაც "ბაიერნი" უახლოეს მომავალში დაიმატებს, ისეთივე ძლიერი იქნება, როგორებიც რიბერი და რობენი იყვნენ", - განაცხადა 30 წლის პოლონელმა.

"რეკორდმაისტერი" ახლა გერმანიის ეროვნული ნაკრებისა და "მანჩესტერ სიტის" შემტევის, ლეროი სანეს, ტრანსფერზე მუშაობს.