კროოსი არამგონია სანე ბაიერნში გადავიდეს

მიუნხენის "ბაიერნის" ყოფილმა ცენტრალურმა ნახევარმცველმა, ტონი კროოსმა, ლეროი სანეს პოტენციური ტრანსფერი შეაფასა.

"რეკორდმაისტერის" მთავარი სამიზნე ამ მომენტისთვის "მანჩესტერ სიტისა" და გერმანიის ეროვნული ნაკრების ვინგერი ლეროი სანეა.

"არამგონია, რომ ლეროი "ბაიერნში" გადავიდეს. ეს უბრალოდ ჩემი აზრია.

"სიტის" ადგილზე კი მისი გუნდიდან გაშვებას ნამდვილად არ დავუშვებდი. მას უბრალოდ დავადებდი ფასს, რომელსაც "ბაიერნი" ვერ გადაიხდიდა", - განაცხადა 29 წლის გერმანელმა.

ბოლო ინფორმაციით, "ბაიერნი" მზად არის ლეროი სანეს სანაცვლოდ გადაიხადოს თანხა, რომელსაც "სიტი" ითხოვს, ამიტომ ახლა ყველაფერი თავად 23 წლის გერმანელმა უნდა გადაწყვიტოს.