არამგონია ასე რამე გამოგვივიდეს ნოიერი ტერ შტეგენს გაუნაწყენდა

"ლაიფციგთან" შეხვედრის (1:1) შემდეგ მიუნხენის "ბაიერნისა" და გერმანიის ეროვნული ნაკრების მეკარე, მანუელ ნოიერი, მარკ-ანდე ტერ შტეგენის განცხადებას გამოეხმაურა.

"ვფიქრობ, ის კარგი მეკარეა და მუდმივად კარგად ასპარეზობს, მაგრამ არ ვარ დარწმუნებული, რომ ასეთი მიდგომა რამეში გამოგვადგება. ჩვენ გუნდი ვართ და გუნდურად უნდა მოვიქცეთ.

მშვენიერი მეკარეები გვყავს - კევინ ტრაპი, ბენრდ ლენო, რომელთაც სურთ თამაში, მაგრამ სკამზე სხედან. ჩვენ გუნდი ვართ და ერთად უნდა ვიდგეთ!", - განაცხადა მანუ ნოიერმა.

მანუელ ნოიერი უკვე წლებია "ბუნდესთიმის" პირველი ნომერია და 2016 წლიდან ეროვნული გუნდის კაპიტანიც.

რამდენიმე დღის წინ მარკ-ანდრე ტერ შტეგენმა უკმაყოფილება გამოთქვა იმის გამო, რომ ცოტა სათამაშო პრაქტიკა ეძლევა.