გნაბრის პოკერი ბაიერნმა ტოტენჰემი 72 გაანადგურა
თამაშის საწყისი 30 წუთი ძალიან სანახაობრივი, გახსნილი და სწრაფი გამოდგა. "ტოტენჰემმა" აქტიურად და აგრესიულად დაიწყო. ლონდონელების შეტევებს მანუელ ნოიერი ორჯერ გაუმკლავდა, მაგრამ კორენტენ ტოლისოს შეცდომის შემდეგ ნდომბელემ ეუნ-მინ სონს შეუყოლა და კორეელმა ამჯერად იდეალურად დაარტყა - 1:0!
"ბაიერნმა" მეტოქეს ძალიან მალე უპასუხა და იოზუა კიმიხმა შორიდან იდეალური დარტყმით წონასწორობა აღადგინა. "დეზებმა" რამდენიმე სახიფათო მომენტი კიდევ შექმნეს, მაგრამ ვერ გამოიყენეს და საბოლოოდ "ბაიერნმა" იზეიმა - ტაიმის ბოლო წუთზე რობერტ ლევანდოვსკიმ საჯარიმოს ხაზიდან ჩინებული დარტყმით გამოიჩინა თავი და "ბაიერნს" პირველი ტაიმი მოაგებინა - 2:1.
"ტოტენჰემმა" ჰარი კეინის პენალტით, რომელიც საეჭვო სიტუაციაში დაინიშნა, ანგარიშში სხვაობა შეამცირა და თამაში შედარებით გათანაბრდა.
მიუნხენელებმა მატჩის მიწურულს კიდევ ერთხელ და საბოლოოდ იფეთქეს - ტიაგო ალკანტარას ფანტასტიკური გადაცემით გნაბრი მეკარესთან პირისპირ დარჩა და ჰეთ-თრიკი შეასრულა, რასაც მორიგი ლამაზი კომბინაცია და ლევანდოვსკის დუბლი, ხოლო ბოლოს გნაბრის კიდევ ერთი უზუსტესი დარტყმა და პოკერი მოჰყვა!
საბოლოოდ, 7:2 და "რეკორდმაისტერმა" ამ ეტაპზე სეზონის ყველაზე რთული ტესტი იდეალურად ჩააბარა.
ნიკო კოვაჩის გუნდმა ექვსი ქულა დააგროვა და B ჯგუფს დამაჯერებლად ლიდერობს.
ჯგუფ {group}-ის წევრებს არ აქვთ კომენტარის დატოვების უფლება.
- ბომბარდირები
- ასისტენტები
- ბარათები
