გვარდიოლა ბაიერნის ბრწყინვალე გამარჯვებას გამოეხმაურა

მიუნხენის "ბაიერნის" ყოფილმა მთავარმა მწვრთნელმა, პეპ გვარდიოლამ, "რეკორდმაისტერი" ლონდონის "ტოტენჰემთან" საოცარი შეხვედრის შემდეგ შეაქო.

"ბაიერნი" კვლავ მსოფლიოში ერთ-ერთი საუკეთესო გუნდია. "ტოტენჰემთან" გასვლაზე 7:2 გამარჯვება მოულოდნელი იყო. როდესაც ეს გავიგე მეც კი გაკვირვებული დავრჩი.

თუმცა "ბაიერნი" იყო, არის და იქნება ევროპის ერთ-ერთი უძლიერესი გუნდი", - განაცხადა ესპანელმა სპეციალისტმა, რომელიც "ბაიერნს" 2013-16 წლებში ედგა სათავეში, ახლა კი "მანჩესტერ სიტის" ავარჯიშებს.

მიუნხენელებმა ჩემპიონთა ლიგის ჯგუფური ეტაპის მეორე ტურში გასული წლის ფინალისტი "ტოტენჰემი" სტუმრად 7:2 გაანადგურეს.