სიტიმ სანეს შემცვლელი უკვე იპოვნა

ავტორიტეტული ბრიტანული გამოცემა "TEAMtalk" იუწყება, რომ "სიტი" მზად არის გაუშვას სანე მიუნხენის "ბაიერნში" და თავად ესპანელი ვინგერი ოიარზებალი დაიმატოს.

სკაუტები ესპანელს სანეს იდეალურ ალტერნატივად მოიაზრებენ, ერთადერთი პრობლემა მისი გამოსასყიდი თანხა, 70 მილიონი ევრო გახლავთ.

"სიტის" გულშემატკივრები ამ ფაქტს უარყოფითად შეხვდნენ, მაგრამ, როგორც ჩანს, სანეს საკითხი გადაწყვეტილია და "სიტი" უკვე აქტიურად იწყებს მისი შემცვლელის გადმობირებას.

"ბაიერნის" ხელმძღვანელობა ამ ეტაპზე ნაკლებად აქტიურობს, მაგრამ ფაქტია, რომ მიუნხენელებს სანეს მიმართ დეკლარირებული ინტერესი აქვთ და კლუბის ბოსებიც ხშირად აცხადებენ, რომ ისინი კვლავ ეცდებიან გერმანელის შეძენას.