კიმიხი მეტოქე 18 ფინალში სულ ერთია

მიუნხენური კლუბის ახალგაზრდა ლიდერმა, იოზუა კიმიხმა, ჩემპიონთა ლიგის ფლეი-ოფში პოტენციურ მეტოქეზე ისაუბრა.

"არ აქვს მნიშვნელობა თუ რომელი გუნდი ამოგვივა კენჭისყრაზე.

როდესაც "ბაიერნი" ნორმალურ მდგომარეობასა და ჩვეულ ფორმაშია, ყოველთვის ფავორიტია!", - განაცხადა 24 წლის გერმანელმა.

"რეკორდმაისტერმა" ჯგუფური ეტაპი ფანტასტიკურად ჩაატარა და ყველა თამაში მოიგო ბურთების +19 სხვაობით.

"ბაიერნის" სავარაუდო მეტოქეები მერვედფინალური ეტაპისთვის "ატალანტა", ლონდონის "ჩელსი", მადრიდის "ატლეტიკო", ლიონის "ოლიმპიკი", მადრიდის "რეალი" და "ნაპოლი" არიან.

ჩემპიონთა ლიგის ფლეი-ოფის პირველი ეტაპის კენჭისყრა 16 დეკემბერს, ჩვენი დროით 15:00 საათზე, გაიმართება.