ჯერარდი ბაიერნში გადასვლის შანსი მქონდა მაგრამ

მერსისაიდული "ლივერპულის" ლეგენდარულმა კაპიტანმა, სტივენ ჯერარდმა "ბაიერნში" შესაძლო ტრანსფერი გაიხსენა.

"როდესაც მოურინიო მადრიდის "რეალში" მივიდა, მაშინ კლუბმა ჩემი გადაბირება სცადა. იგი მე პირადად დამიკავშირდა."

"ჟოზესთან ერთად "სამეფო კლუბში" თამაში, რა თქმა უნდა, უდიდესი გამოცდილება იქნებოდა, თუმცა, ეს საბოლოოდ არ მოხდა."

"კიდევ ერთი კლუბი, რომელსაც ჩემი დამატება უნდოდა "ბაიერნი" იყო. ეს ევროპის ჩემპიონატის დროს ხდებოდა. ამ დროს შვაინშტაიგერი უკვე ახლოს იყო კლუბის დატოვებასთან."

"ბაიერნიდან დამიკავშირდნენ და ჩვენს შორის სერიოზული საუბრებიც მიდიოდა. მაგრამ შემდეგ ვიფიქრე, მე "ლივერპულის" კაპიტანი ვარ და რატომ უნდა შეიცვალოს ეს." - იხსენებს ჯერარდი.