VIDEO მორიგი მონსტრი ბუნდესლიგაში ჰაალანდის ჰეთ თრიკი სადებიუტო მატჩში

დღეს გერმანიის ბუნდესლიგის მე-18 ტურის მატჩი გაიმართა, რომელშიც "აუგსბურგმა" დორტმუნდის "ბორუსიას" უმასპინძლა და 3:5 დამარცხდა.

სტუმართა მხრიდან სადებიუტო შეხვედრა ჩაატარა გუნდის ახალწვეულმა, ერლინ ჰაალანდმა, რომელსაც საოცარი თამაში გამოუვიდა.

56-ე წუთზე შემოსულმა ფეხბურთელმა სამ წუთში პირველი გოლი გაიტანა, ორ წუთში დუბლი გაიფორმა, 79-ე წუთზე კი სულაც ჰეთ-თრიკი შეასრულა და მატჩის გმირად იქცა.

ჰაალანდმა თავისი შესაძლებლობების დამტკიცება უკვე დაიწყო და როგორც ჩანს, ბუნდესლიგას კიდევ ერთი ბრწყინვალე თავდამსხმელი შეუერთდა.