მათეუსი: "გორეცკა იტალიასთან ძირითადში უნდა იყოს - ანდრიხს კი სტილერი სჯობს"

ლოთარ მათეუსი: „ლეონ გორეცკა დაბრუნდა გერმანიის ეროვნულ ნაკრებში და ჩემი აზრით, იტალიასთან შეხვედრაში ის ძირითად შემადგენლობაში უნდა იყოს.

მიუღებელი მგონია ის, რაც მას ბაიერნშიც კი მოუვიდა. ახლა ისევ საუკეთესო ფორმაშია. ეს მხოლოდ მის დამოკიდებულებასა და ხასიათზე მიუთითებს.

ლეონზე ყოველთვის შეიძლება დაყრდნობა და დარწმუნებული ვარ, ნაკრებშიც კარგად ითამაშებს. ცენტრალური ნახევარმცველის წყვილში მას იდეალურად მოერგება ადგილი.

რობერტ ანდრიხი ამ ეტაპზე ძირითადად ლევერკუზენის სათადარიგო სკამზეა, ამიტომ უფრო ვხედავ სტილერს გორეცკას გვერდით.“