მსუყე ბონუსი ტრანსფერებისთვის - რამდენი გამოიმუშავა ბაიერნმა პლეიოფში თამაშით

როგორც მოგეხსენებათ, 2025 წლის მსოფლიო საკლუბო ჩემპიონატი განახლებული ფორმატით ტარდება, სადაც რეიტინგით ბოლო წლების 32 საუკეთესო კლუბი მონაწილეობს.

ფიფამ აღნიშნული გადაწყვეტილება ამავე ტურნირის პოპულარობის ზრდისთვის მიიღო და თანაც საპრიზო თანხა საკმაოდ მსუყე გახადა, - 772.81 მილიონი დოლარი.

ახლანდელი წესებით მსოფლიო საკლუბო ჩემპიონატის გამარჯვებულს დაახლოებით იმდენის გამომუშავება შეეძლება, რამდენსაც ჩემპიონთა ლიგის მოგებისთვის მიიღებდა, ოღონდ აქ ერთი წესია გასათვალისწინებელი, - თანხა კლუბს მით უფრო მეტი შეხვდება, რაც მეტი რეიტინგი აქვს, პრიზის მიღება კი დამოკიდებულია როგორც ტურნირში მონაწილეობაზე, ისე სპორტულ პერფორმანსზე.

ასე მაგალითად, მიუნხენის ბაიერნმა ჯგუფური ეტაპის გადალახვით 45.1 მილიონი დოლარი გამოიმუშავა, 1/8-ფინალში კი ფლამენგოს დამარცხებით კლუბმა დამატებით 7.5 მილიონი დოლარი მიიღო.

აქვე გეტყვით საპრიზო ბონუსს იმ შემთხვევაში თუ ბაიერნი დანარჩენ ეტაპებსაც წარმატებით გადალახავს:

მეოთხედფინალი - 13.125 მილიონი დოლარი
ნახევარფინალი - 21 მილიონი დოლარი
ფინალი - 40 მილიონი დოლარი