უპამეკანოს კონტრაქტი ისევ არ გაუხანგრძლივებია - მედია 2 პრობლემაზე წერს

მიუხედავად იმისა, რომ ბაიერნი და ებერლი უპამეკანოს კონტრაქტის განახლებას ამტკიცებდა, ფრანგ მცველს ხელშეკრულება ჯერ კიდევ არ გაუხანგრძლივებია.

გერმანული მედიის მტკიცებით, სახელფასო თემა უკვე მოგვარებულია და ფეხბურთელი ახალი კონტრაქტით 20 მილიონ ევრომდე გამოიმუშავებს, თუმცა პრობლემა სხვაგან უნდა ვეძიოთ.

როგორც ირკვევა, ჯერ კიდევ არაა ცნობილი თუ სადამდე განაახლებს კონტრაქტს უპამეკანო, 2030 თუ 2031 წლამდე. გარდა ამისა, საუბარი მიდის გამოსასყიდის გააქტიურებაზეც.

უპამეკანოს სურვილია, რომ გამოსასყიდი ძალაში 2027 წლიდან შევიდეს, ბაიერნი კი 2028 წელს ამჯობინებს. ეს ნიშნავს, რომ კლუბსა და ფეხბურთელის წარმომადგენლებს შორის დიალოგი ძირითადად კონტრაქტის და მისი დეტალების ხანგრძლივობაზე მიმდინარეობს, საშემოსავლო საკითხი კი პრობლემას აღარ წარმოადგენს.