"ბაიერნმა მის დასამატებლად ყველაფერი უნდა გააკეთოს" - ივან რაკიტიჩის რჩევა

ივან რაკიტიჩი თანამემამულე ლუკა ვუსკოვიჩს ურჩევს, რომ უამრავ გრანდს შორის, რომლებიც მისი ტრანსფერით არიან დაინტერესებული, არჩევანი ბაიერნზე გააკეთოს.

გარდა ამისა, რაკიტიჩი ბაიერნსაც მოუწოდებს, რომ ვუსკოვიჩის დასამატებლად ყველაფერი გააკეთოს:

"მთელი ევროპა ახლა მასზე საუბრობს. ბაიერნმა ყველაფერი უნდა გააკეთოს მასთან კონტრაქტის დასადებად. მე მჯერა, რომ ლუკა ბაიერნში უნდა წავიდეს. მას ყველაფერი აქვს, რომ ერთ-ერთი საუკეთესო ცენტრალური მცველი გახდეს. მაინტერესებს, შეძლებს თუ არა ტოტენჰემი მის შენარჩუნებას ზაფხულის შემდეგ, რადგან, ჩემი აზრით, ის უკვე მზადაა შემდეგი ნაბიჯისთვის ერთ-ერთ საუკეთესო კლუბში, ჩემთვის კი, ევროპაში მხოლოდ ოთხი ან ხუთია ასეთი კლუბი", - ამბობს რაკიტიჩი.

18 წლის ლუკა ვუსკოვიჩი ტოტენჰემს ეკუთვნის და ახლა ჰამბურგში იჯარით თამაშობს, მისით კი ბაიერნი რამდენიმე კვირაა უკვე დაინტერესებულია.