არტეტას გეგმა - არსენალი ბაიერნის ნახევარმცველის წაყვანას ეცდება

კრისტიან ფალკი წერს, რომ ბაიერნიდან მიკელ არტეტამ თვალი ერთ-ერთ ნახევარმცველს დაადგა და ის ლეონ გორეცკაა.

ესპანელი მწვრთნელი მიიჩნევს, რომ არსენალმა გორეცკას უფასოდ დამატების შესაძლებლობა ხელიდან არ უნდა გაუშვას და საამისო ნაბიჯი აუცილებლად უნდა გადადგას.

სად წავა გორეცკა, ეს უკვე მხოლოდ მისი საქმეა, რადგან ბაიერნი მასთან ხელშეკრულების განახლებას აღარ აპირებს.

ცნობისთვის, იქამდე მანჩესტერის ინტერესზეც წერდნენ და არის შანსი, რომ გორეცკამ ბუნდესლიგიდან მართლაც პრემიერ ლიგაში გადაინაცვლოს.