ფეხბურთელები ერთსა და იმავეს ამბობენ - ბაიერნში რაღაც დიდი მზადდება

ბაიერნის გასახდელში არსებული ატმოსფერო ფეხბურთელების კომენტარებიდან აშკარად განსაკუთრებულ სურათს ქმნის. გუნდის ლიდერები ერთხმად საუბრობენ ერთობაზე, თავდაჯერებულობაზე და იმ შეგრძნებაზე, რომ რაღაც დიდი შეიძლება დაიბადოს.

სერჟ გნაბრი: "ამ გუნდში ისეთი ატმოსფეროა, როგორიც 2020 წლის ტრებლის სეზონის შემდეგ აღარ მიგრძვნია. გამარჯვებები რწმენას აძლიერებს და ყველას გვაგრძნობინებს, რომ რაღაც დიდისკენ მივდივართ."

ჰარი კეინი: "რაც უფრო მეტ დროს ვატარებთ ერთად მოედანზე, მით უკეთ გვესმის ერთმანეთის. როცა გუნდი სვლას აკრეფს, ჩნდება შეგრძნება, რომ თითქმის შეუჩერებლები ვართ."

მანუელ ნოიერი: "ახლა თითოეული ფეხბურთელი თავს მნიშვნელოვან ნაწილად გრძნობს. ეს ერთობა და კომფორტი ჩვენს თამაშშიც აისახება."

ჰიროკი იტო: "ერთმანეთისადმი პატივისცემა და თავდადება ჩვენს ყოველდღიურობაში იგრძნობა — არა მხოლოდ მატჩებში, არამედ ვარჯიშზეც."

კონრად ლაიმერი: "ყველამ იცის, რომ თუ მაქსიმუმს დადებს, შანსს მიიღებს. ბოლოს და ბოლოს, ასეთ სეზონში ყველას როლი გადამწყვეტია."