მსოფლიო ჩემპიონატისთვის გერმანიის განაცხადში სენსაცია მზადდება

ნაგელსმანი უკვე აფრთხილებს ყველას — მსოფლიო ჩემპიონატის განაცხადში ისეთი გადაწყვეტილებები იქნება, რომელიც ბევრს არ მოეწონება.

ნაკრების თავკაცის თქმით, მისთვის მთავარი არ არის, ვინ არის კლუბში მუდმივი სასტარტო მოთამაშე, არამედ ის — ვინ ერგება ერთმანეთს და ნაკრების ტაქტიკას.

ნაგელსმანი პირდაპირ ამბობს, რომ განაცხადში მოხვედრასთან დაკავშირებით იქნება ნაბიჯები, რომლებიც გაუგებრობას გამოიწვევს როგორც გულშემატკივრებში, ისე თავად ფეხბურთელებში. შესაძლოა, ზოგი ისეთი მოთამაშე დარჩეს გარეთ, რომელიც საკუთარ კლუბში შეუცვლელი ფიგურაა.

მოკლედ — სახელები და სტატუსი გარანტიას აღარ იძლევა. საბოლოო სიტყვა გუნდის ბალანსსა და ტაქტიკას ეკუთვნის.