ბაიერნის სუსტი წერტილი დიდ მატჩებში - კომპანის გულწრფელი შეფასება

ვენსან კომპანი გამოეხმაურა კრიტიკას, რომ ბაიერნი სტანდარტული სიტუაციებიდან ბევრ გოლს უშვებს.

მისი თქმით, გუნდი იდეალური არ არის და ყოველდღიურად მუშაობს, რომ უკეთესი გახდეს. გარკვეული პერიოდი ეს საკითხი გუნდში თითქმის ყოველდღე განიხილებოდა, რადგან სწორედ სტანდარტებიდან გაუშვეს ყველაზე მეტი გოლი.

თუმცა კომპანი ხაზს უსვამს, რომ ამას მეორე მხარეც აქვს — ბაიერნი ევროპაში ერთ-ერთი საუკეთესო გუნდია შეტევით სტანდარტულ სიტუაციებში, რაც ხშირად ავიწყდებათ.

მიუხედავად ამისა, მწვრთნელი აღიარებს, რომ ამ კომპონენტში გუნდს კიდევ გაუმჯობესება სჭირდება.