ბაიერნს ძალიან ცხელი ზაფხული ელოდება - რა იწერება მედიაში?

ბოლო საათებში გერმანულ მედიაში საინტერესო ინფორმაცია ვრცელდება — თითქოს მიუნხენის ბაიერნს ზაფხულში საკმაოდ დიდი ცვლილებები ელოდება.

გავრცელებული ცნობებით, გუნდის მთავარი მწვრთნელის ვენსან კომპანის გეგმებში რამდენიმე ფეხბურთელი აღარ შედის და სეზონის დასრულების შემდეგ მათი წასვლაც განიხილება.

მედიაში ნახსენებია ისეთი სახელები, როგორებიც არიან: კიმ მინ-ჯე, ლეონ გორეცკა, ნიკოლას ჯექსონი, რაფაელ გერეირო, დანიელ პერეცი, საშა ბოე, ჟოაუ პალინია და ბრაიან სარაგოსა.

თუმცა ამ ეტაპზე ეს ინფორმაცია ოფიციალურად დადასტურებული არ არის და მხოლოდ მედიის გავრცელებულ ცნობებს ეყრდნობა.

ასევე იწერება, რომ მიუნხენური კლუბი ზაფხულში აქტიურ სატრანსფერო ფანჯარას გეგმავს და შესაძლოა მინიმუმ ხუთი ახალი ფეხბურთელიც დაიმატოს.