ბაიერნში უკვე იციან - ატალანტასთან მარტივი არაფერი იქნება

ბაიერნის შემტევმა ლუის დიასმა ატალანტასთან მოახლოებულ მატჩზე ისაუბრა და აღნიშნა, რომ ჩემპიონთა ლიგის ამ ეტაპზე უკვე სუსტი გუნდი აღარ არსებობს.

კოლუმბიელი ფეხბურთელის თქმით, მერვედფინალში ყველა გუნდი იმსახურებს ყოფნას და სწორედ ამიტომ მატჩები გაცილებით რთული იქნება, ვიდრე ჯგუფურ ეტაპზე.

დიასმა ატალანტა ძლიერ კლუბად შეაფასა და თქვა, რომ ბაიერნს რთული თამაში ელოდება. მისივე თქმით, ძალიან მნიშვნელოვანია, რომ განმეორებითი შეხვედრა მიუნხენში გაიმართება, რადგან პირველი მატჩის შემდეგ გუნდს დეტალების გაანალიზება და საკუთარ მოედანზე გულშემატკივრების მხარდაჭერით თამაში შეეძლება.