გვარდიოლას აღიარება - რა დააკლდება ყველაზე მეტად ფეხბურთიდან წასვლის შემდეგ

მსოფლიო ფეხბურთის ერთ-ერთმა ყველაზე ტიტულოვანმა მწვრთნელმა, პეპ გვარდიოლამ, TNT Sports-თან ინტერვიუში სამომავლო გეგმებსა და იმ ნოსტალგიაზე ისაუბრა, რომელიც მას ფეხბურთიდან წასვლის შემდეგ დატანჯავს. ესპანელმა სპეციალისტმა დაასახელა ის კლუბები და სტადიონები, რომლებმაც მის კარიერაში წარუშლელი კვალი დატოვეს.

გვარდიოლამ განსაკუთრებული სითბოთი გაიხსენა მიუნხენის ბაიერნი და მშობლიური ბარსელონა. მისი თქმით, ეს ის ადგილებია, სადაც დაბრუნება ყოველთვის დიდ ემოციებთან არის დაკავშირებული.

„მომენატრება ის, რომ ვეღარ წავალ 'კამპ ნოუზე', მომენატრება მიუნხენის 'ბაიერნი'... იმედი მაქვს, ჩემპიონთა ლიგაზე წინ წავალთ და იქ კიდევ ერთხელ მოვხვდებით. როდესაც კარიერას დავასრულებ და პენსიაზე გავალ, ეს ყველაფერი ძალიან დამაკლდება,“ — აღნიშნა პეპმა.