კომპანი მსაჯს არ ეთანხმება - გადაწყვეტილებები გაუგებარია

ვენსან კომპანი მატჩის შემდეგ გუნდის თამაშით კმაყოფილი იყო, თუმცა მსაჯის რამდენიმე გადაწყვეტილება გააკრიტიკა.

მისი თქმით, გუნდის მენტალიტეტით ძალიან ამაყობს, მიუხედავად იმისა, რომ შეხვედრაში ბევრი სადავო ეპიზოდი მოხდა. კომპანის განცხადებით, ნიკოლას ჯექსონის წითელ ბარათზე საუბარი არ აქვს, თუმცა ლუის დიასის გაძევებას ვერ ხსნის.

ბაიერნის მწვრთნელმა ასევე კომენტარი გააკეთა ტას გაუქმებულ გოლზე და აღნიშნა, რომ ბურთი შემთხვევით მოხვდა ხელზე და ფეხბურთელს განზრახ მოძრაობა არ ჰქონია. კომპანის აზრით, ჰარი კეინის გოლიც სუფთა იყო და გაუქმება გაუგებარია.

საბოლოოდ, მან კიდევ ერთხელ აღნიშნა, რომ გუნდის მენტალიტეტით ამაყობს, თუმცა მატჩში იყო ეპიზოდები, რომლებზეც განსხვავებული აზრი შეიძლება არსებობდეს.