ბაიერნში ორი ვარიანტია - ვინ დაიცავს კარს ატალანტასთან?

მიუნხენის ბაიერნის მთავარმა მწვრთნელმა, ვენსან კომპანიმ, ატალანტასთან მატჩამდე კარის საკითხზე ისაუბრა და დაადასტურა, რომ საბოლოო გადაწყვეტილება ჯერ მიღებული არ არის.

ბელგიელმა სპეციალისტმა აღნიშნა, რომ მანუელ ნოიერი უკვე გუნდურ ვარჯიშს დაუბრუნდა, ხოლო იონას ურბიგმაც სრულფასოვნად ივარჯიშა, თუმცა ვინ დაიწყებს ძირითად შემადგენლობაში, ამას მხოლოდ სამედიცინო შტაბი გადაწყვეტს.

კომპანის თქმით, თუ ყველაფერი გეგმის მიხედვით წარიმართება, კარში იონას ურბიგი დადგება. წინააღმდეგ შემთხვევაში, ბაიერნს ალტერნატიული ვარიანტის გამოყენება მოუწევს.

ჟურნალისტის კითხვაზე, შეიძლება თუ არა ეს ლეონარდ პრესკოტი იყოს, კომპანიმ მოკლედ უპასუხა — „დიახ“.

ამრიგად, ბაიერნის კარის საკითხი კვლავ გაურკვეველია და საბოლოო პასუხი მატჩამდე ბოლო მომენტში გაირკვევა.