მსოფლიო ჩემპიონატი საფრთხეშია? - გერმანიის ნაკრების ვარსკვლავმა ტრავმა მიიღო

ჩიკაგოში გამართული დღევანდელი ვარჯიშის დასრულებამდე დაახლოებით 20 წუთით ადრე, ახალგაზრდა ვარსკვლავმა, ლენარტ კარლმა მოედანი დროზე ადრე დატოვა. მიუხედავად იმისა, რომ ფეხბურთელმა გასახდელში შესვლა საკუთარი ფეხით მოახერხა, სიტუაცია საკმაოდ სერიოზულად გამოიყურება.

იულიან ნაგელსმანმა მედიასთან დაადასტურა, რომ კარლი ვარჯიშიდან პირდაპირ საავადმყოფოში გადაიყვანეს, სადაც მას სკანირება უკვე ჩაუტარდა. პირველადი ვერსიით, საქმე კუნთის დაზიანებას ეხება, თუმცა საბოლოო დიაგნოზი ჯერ კიდევ უცნობია. გერმანელთა სამწვრთნელო შტაბი ექიმების პასუხს ელოდება, რის შემდეგაც გადაწყდება, ითამაშებს თუ არა ტალანტი მსოფლიო ჩემპიონატზე, თუ ნაგელსმანს მისი შემცვლელის სასწრაფოდ გამოძახება მოუწევს.