ჰანს ფლიკმა ტრავმირებული მოთამაშეების მდგომარეობაზე ისაუბრა

"ფორტუნასთან" გასამართი მატჩისწინა პრესკონფერენციაზე მიუნხენის "ბაიერნის" მთავარმა მწვრთნელმა, ჰანს ფლიკმა საინტერესო თემებზე ისაუბრა.

"არსებობენ ადამიანები, რომლებიც შენი შთაგონების წყაროები არიან და იუპ ჰაინკესი მათ რიცხვს განეკუთვნება. ის დიდებული მწვრთნელია, რომელიც ყველაფერში მეხმარება პირველივე დღიდან."

"ლევანდოვსკის ყოველთვის გატანა სურს. მან იცის, რომ "ფორტუნას" წინააღმდეგ მას ჯერ კიდევ არ აქვს გოლი გატანილი. მნიშვნელოვანია, რომ მან მაღალი ფორმა შეინარჩუნოს."

"რაც შეეხება ტრავმირებულ მოთამაშეებს. ვფიქრობ, პირველი ტიაგო ალკანტარა დაბრუნდება. კოუტინიოს აღდგენით პროცესს შედარებით დიდი დრო დასჭირდება. ტოლისო უკეთესად გრძნობს თავს, თუმცა, მისი გარისკვა არ ღირს. ზულე კი ყველაფერს აკეთებს მწვანე მინდორზე დასაბრუნებლად." - აცხადებს ფლიკი.