მიუნხენის "ბაიერნის" ავსტრიელ მცველს, დავიდ ალაბას რომ კლუბის დატოვება სურს, ეს ამბავი არახალია. 28 წლის ფეხბურთელის მსურველთა რიცხვს კიდევ ერთი კლუბი შეუერთდა.
ბრიტანული გამოცემა Football London-ის ინფორმაციით, ალაბას შეძენით ლონდონის "ჩელსიც" ინტერესდება.
მოგეხსენებათ, "არისტოკრატებმა" მიმდინარე სატრანსფერო ფანჯრის დროს არაერთი ვარსკვლავი დაიმატეს, ავსტრიელი მცველი კი ფრენკ ლამპარდის ბოლო მოთხოვნაა.
ალაბას "ბაიერნთან" კონტრაქტი 1 წელიწადში უმთავრდება და მხარეები ახალ პირობებზე ვერ თანხმდებიან. კლუბს მისი უფასოდ გაშვებაც არ სურს. შესაბამისად, დიდი ალბათობით, ავსტრიელი სატრანსფერო ფანჯრის დახურვამდე დატოვებს კლუბს.
