ხვალ, თბილისის დროით 23:55 საათზე პარი სენ-ჟერმენი ჩემპიონთა ლიგის 1/8 ფინალურ ეტაპზე ბაიერნს საკუთარ მოედანზე უმასპინძლებს.
მატჩამდე ერთი დღით ადრე, პარიზული გრანდის მთავარმა მწვრთნელმა კრისტოფ გალტიემ განაცხადა, რომ ბაიერნის წინააღმდეგ სამ მცველიანი ტაქტიკით თამაშს არ გამორიცხავს.
"დიახ, ამ ვარიანტსაც განვიხილავ, რადგან ეს არის სისტემა, რომლის წყალობითაც სეზონის პირველ ნაწილში კარგად ვიასპარეზეთ.
ბენფიკასთან ფრის შემდეგ, ჩემი სათამაშო სისტემა შევცვალე. ნახევარდაცვაში მეტი კომპაქტურობა და ბურთის ფლობა მსურდა", - განაცხადა პარიზელთა თავკაცმა.