ხვალ, თბილისის დროით 23:55 საათზე პარი სენ-ჟერმენი ჩემპიონთა ლიგის 1/8 ფინალურ ეტაპზე ბაიერნს საკუთარ მოედანზე უმასპინძლებს.
მატჩამდე ერთი დღით ადრე, პარიზული გუნდის ყოფილმა ფეხბურთელმა ბლეზ მატუიდიმ მოახლოებულ შეხვედრაზე ისაუბრა.
"ორივე გუნდს შესანიშნავი მოთამაშეები ჰყავს. ეს იქნება უზარმაზარი და რთული თამაში ფეხბურთელებისთვის. ორივე გუნდი ბრძოლისთვის მზად უნდა იყოს. საბლოო ჯამში, მენტალური ასპექტი გადამწყვეტი იქნება. ჩვენ გვიყვარს ასეთი თამაშები", - განაცხადა მატუიდიმ.