14 თებერვალს, თბილისის დროით 23:55 საათზე პარი სენ-ჟერმენი ჩემპიონთა ლიგის 1/8 ფინალურ ეტაპზე ბაიერნს საკუთარ მოედანზე უმასპინძლებს.
მატჩამდე ერთი დღით ადრე გამართულ პრესკონფერენციაზე, კინგსლი კომანს თანამემამულის ტრავმაზე, კილიან მბაპეზე და მის შესაძლო თამაშის ალბათობაზე ჰკითხეს - მოგეხსენებათ ბოლო დღეების განმავლობაში ფრანგული მედია ირწმუნებოდა, რომ მბაპე ტრავმის გამო აღნიშნულ შეხვედრას გამოტოვებდა.
"არ ვიცი, მბაპესთან არ მილაპარაკია. ვესაუბრე კიმპებე, მაგრამ არა კილიანს. უშუალოდ თამაშზე ვნახავთ ყველაფერს", - განაცხადა კომანმა.