მიუნხენის ბაიერნის სენეგალელმა ლეგიონერმა, სადიო მანემ პრემიერ ლიგასა და ბუნდესლიგის მსგავსებაზე ისაუბრა, გარდა ამისა, 30 წლის შემტევს ჟურნალისტებმა ჰარი კეინის ბაიერნში შესაძლო ტრანსფერზეც ჰკითხეს:
"ბუნდესლიგა ძალიან დაძაბული და დაბალანსებულია, შეხედეთ ცხრილს - შესანიშნავი ატმოსფეროა. რატომ იტყვის ვინმე უარს აქ თამაშზე? მე ეს გამაკვირვებდა.
ხშირად ამბობენ, რომ პრემიერ ლიგა უფრო რთული და ფიზიკური ჩემპიონატია, ასე ბევრი ფიქრობს. აქ მოედანზე ყოფნისას შევამჩნიე, რომ ფეხბურთელები ძალიან ძლიერები არიან - ბუნდესლიგა ისეთივე ფიზიკურად დატვირთული ჩემპიონატია, როგორც პრემიერ ლიგა.
გარდა ამისა, ბევრი გუნდი თამაშობს მაღალ პრესინგს. მე ნამდვილად მსიამოვნებს ყოველივე ეს და ჩემი არჩევანით ბედნიერი ვარ", - განაცხადა მანემ.