"კომპანის ის ძალიან მოსწონს" - ვინ სურს ბაიერნის მწვრთნელს პრემიერ ლიგიდან

Football Insider-ის ინფორმაციით, მიუნხენის ბაიერნი კრისტალ პალასიდან ტრანსფერის გაკეთებას ისევ შეეცდება, სამიზნე კი ამჯერად ებერიჩი ეზე იქნება.

როგორც ირკვევა, პალასის 27 წლის ფეხბურთელი ვენსან კომპანის ფავორიტი არჩევანია, რომლის ხილვასაც ბელგიელი მწვრთნელი თავის გუნდში ნატრობს.

რაც შეეხება სატრანსფერო ღირებულებას, ინგლისური კლუბი ეზეს 65-70 მილიონ ევროს აფასებს, დაახლოებით იმდენს, რამდენის გადახდაც ბაიერნს სავარაუდოდ ლუის დიასის ტრანსფერში მოუწევს.

ეზემ გასული სეზონის პრემიერ ლიგაში კრისტალ პალასის მაისურით 8 გოლი გაიტანა და ამდენივე საგოლე პასი შეასრულა.