ერთი ჰოს ამბობს, მეორე არას - ლუის დიასის ტრანსფერი ძალიან ჩაიხლართა

ბოლო დღეებში აქტიურად იწერება იმის შესახებ, რომ მიუნხენის ბაიერნი ლუის დიასის დამატებას აპირებს, რადგან კოლუმბიელი ფეხბურთელისგან თანხმობა უკვე არსებობს.

გერმანულ მედიაში წერენ, რომ დიასმა ბაიერნს სიმპათიები კიდევ ერთხელ დაუდასტურა, თუმცა ლივერპული საერთოდ საწინააღმდეგო კურსზეა.

მერსესაიდულ კლუბს ლუის დიასის გაყიდვა არ სურს და დაბლოკა როგორც ბაიერნის, ისე ბარსელონას წინადადებები, თუმცა გერმანელები დანებებას მაინც არ აპირებენ.

სავარაუდოდ, ბაიერნი არ გაჩერდება და დიასს ჩაჭიდულ ხელს არ გაუშვებს, თუმცა ლივერპულის დასათანხმებლად კლუბს ფასების სერიოზული ზრდა მოუწევს..