ვიდეოჩართვა ჰქონდათ - არის თუ არა ჩავი სიმონსი ბაიერნის პრიორიტეტი

ჟურნალისტი კრისტიან ფალკი ერთ-ერთი პირველი იყო, რომელმაც ბაიერნისა და ლუის დიასის შესახებ დაწერა, ამიტომ, მოდით, მის გზას გავყვეთ.

ახლახანს ფალკი აქვეყნებს ვიდეოს და ამბობს, რომ გასულ სეზონში ბაიერნმა ლაიფციგიდან ჩავი სიმონსის დამატება სცადა, რის გამოც ვენსან კომპანის ფეხბურთელთან ვიდეოჩართვაც კი ჰქონდა.

წინა სეზონის მცდელობისას სიმონსმა კლუბში დარჩენა არჩია, ახლა კი ნიდერლანდელ ნახევარმცველს ახალი გამოწვევების მიღება სურს.

თავის მხრივ, ჟურნალისტი იმასაც ამბობს, რომ ბაიერნის ამჟამინდელი პრიორიტეტები ნიკ ვოლტემადე და ლუის დიასი არიან, ჩავი სიმონსის კანდიდატურა კი სწორედ მათ შემდეგ მოდის.