საშა ბოეის შემცვლელად - ბაიერნი ჩელსიდან მალო გუსტოს ყიდულობს?

ავტორიტეტული გამოცემა L'equipe წერს, რომ მიუნხენის ბაიერნი საშა ბოეის შემცვლელს ეძებს, რომელიც ახალი სეზონიდან კლუბის დატოვებასთან ძალიან ახლოსაა.

როგორც წყარო წერს, ბაიერნი ფრანგი მცველის შეცვლას მალო გუსტოს ტრანსფერით აპირებს, რომელმაც ჩელსიდან ფეხბურთელზე ინფორმაცია უკვე გამოითხოვა.

თავის მხრივ, გუნდის გამოცვლა თავად გუსტოსაც აწყობს, რადგან რის ჯეიმსი ხანგრძლივი ტრავმიანობიდან დაბრუნდა და მალოს სასტარტოში თამაში ძალიან უნდა გაუჭირდეს.

Transfermarkt-ის ფასებით, 22 წლის მალო გუსტოს ფასი 35 მილიონი ევროა.