"14 წლის გოგონაზე იძალადა" - საიდან აღმოჩნდა ფრანკ რიბერი ეპშტეინის ფაილებში?

ბოლო დღეები ეპშტეინის ფაილების ინტერნეტში მასობრივად გავრცელებამ მთელი სამყარო მოიცვა, სადაც მეტწილად ცნობილი და პოპულარული საჯარო პირების დანაშაულებზე და ჩადენილ უკანონო ქმედებებზეა მოთხრობილი.

რამდენიმე დღის წინ, სრულებით მოულოდნელად ფაილებში ბაიერნის ყოფილი ფეხბურთელის, ფრანკ რიბერის სახელიც აღმოაჩინეს, სადაც საუბარია 14 წლის გოგონასა და მასზე განხორციელებულ სექსუალურ ძალადობაზე.

როგორც ვკითხულობთ, ბაიერნის ყოფილი ფორვარდი წარმოჩენილია პროსტიტუციის ხელშემწყობ პირად, რომელმაც არასრულწლოვან გოგონას ადვოკატის ხელით ფიზიკური შეურაცხყოფაც მიაყენა.

ამას მალევე დაერთო ფრანკ რიბერის ოფიციალური განცხადება, რომელიც სამართლებრივ ბრძოლას იწყებს იმ ადამიანთან/ადამიანებთან, ვინც აღნიშნულის შესახებ ინფორმაცია მასობრივად და როგორც რიბერი ამბობს, ყალბად გაავრცელა.

რიბერი სოც.ქსელში წერს, რომ ნახსენებ ადვოკატთან (გვარად კორმიე) ფრანკს ცხოვრებაში შეხება არც არასდროს ჰქონია, ეს ბრალდება კი სიცრუეს შეესაბამება.