ატალანტას მწვრთნელი: “ბაიერნთან გამარჯვება შეუძლებელ მისიას ჰგავს”

ატალანტას მთავარმა მწვრთნელმა რაფაელე პალადინომ ბაიერნთან მატჩამდე კომენტარი გააკეთა და აღნიშნა, რომ გერმანულ გუნდს ძალიან ცოტა სუსტი მხარე აქვს.

„ბაიერნს ძალიან ცოტა სისუსტე აქვს, მაგრამ ჩვენ ისინი კარგად შევისწავლეთ. შეტევაში ძალიან ძლიერი ინდივიდუალური ფეხბურთელები ჰყავთ, განსაკუთრებით ჰარი კეინი.

ჩვენ არ უნდა დავკარგოთ ჩვენი ხასიათი — ტემპი არ უნდა დავაგდოთ და ჩვენი თამაში უნდა ვითამაშოთ. ეს მატჩი რაღაცით ‘შეუძლებელი მისიის’ მსგავსია, მაგრამ სწორედ ასეთი თამაშებია სასიამოვნო.

ჩვენ გვინდა ვითამაშოთ და ამ ყველაფრით სიამოვნება მივიღოთ. ბიჭები კონცენტრირებულები და მშვიდები არიან და მათი დამოკიდებულება ძალიან მომწონს“, — განაცხადა პალადინომ.