ბაიერნის ლეგენდამ იტალიური საფრთხის შესახებ ყველა გააფრთხილა

კარლ-ჰაინც რუმენიგემ ატალანტასთან მოახლოებულ მატჩზე საუბრისას მეტოქის მიმართ განსაკუთრებული პატივისცემა გამოხატა და აღნიშნა, რომ ბერგამოელებმა თავიანთი ძალა უკვე არაერთხელ დაამტკიცეს.

კლუბის ლეგენდამ გაიხსენა იტალიელთა ტრიუმფი ევროპა ლიგის ფინალში ლევერკუზენის წინააღმდეგ და ასევე დორტმუნდის სენსაციური გამოგდება, რაც გერმანიაში ბევრისთვის მოულოდნელი აღმოჩნდა.

რუმენიგეს თქმით ჩემპიონთა ლიგის ამ ეტაპზე წინსვლა მოითხოვს თავმდაბლობას, პატივისცემას, ფოკუსს და იმას რომ არასოდეს დააკნინო შენი ოპონენტი. მიუხედავად მეტოქის დაფასებისა რუმენიგემ ხაზგასმით აღნიშნა, რომ ბაიერნი შესანიშნავ სეზონს ატარებს, ყველა დასახული მიზნისთვის იბრძვის და მხოლოდ შემდეგ ეტაპზე გასვლას გეგმავს.