“მას შეუძლია მსოფლიოში ერთ-ერთი საუკეთესო იყოს, თუმცა..” - კომპანი ოლისეზე

ვენსან კომპანიმ მაიკლ ოლისეზე ისაუბრა და აღნიშნა, რომ ფრანგ ფეხბურთელს მსოფლიოს ერთ-ერთ საუკეთესო მოთამაშედ ქცევის ყველა წინაპირობა აქვს.

„ის ბაიერნში ისეთი მენტალიტეტით მოვიდა, რომელიც საშუალებას აძლევს, რომ ერთ დღეს მსოფლიოს ერთ-ერთი საუკეთესო ფეხბურთელი გახდეს. ის ძალიან დეტალურია ყველაფერში, რასაც აკეთებს.

მოთამაშეების შედარება არ მიყვარს, მაგრამ მე კევინ დე ბრუინთან ერთად მითამაშია და ახლოდან ვნახე, როგორ გაიზარდა ახალგაზრდა ფეხბურთელიდან სუპერვარსკვლავად. მას დეტალებზე განსაკუთრებული ფიქრი ჰქონდა — მაიკლსაც იგივე აქვს.

თუმცა ეს საკმარისი არ არის. ჩვენ უნდა ვაიძულოთ, რომ კიდევ უფრო მეტი გააკეთოს, მაგრამ ის ძალიან კარგ გზაზე დგას“, — განაცხადა კომპანიმ.