ბაიერნის ვარსკვლავი გადაწყვეტილების მიღებას არ ჩქარობს! რა შეიძლება მოხდეს?

მიუნხენის ბაიერნში საკონტრაქტო საგა გრძელდება. ამჯერად ყურადღების ცენტრში კონრად ლაიმერია. მიუხედავად იმისა, რომ კლუბთან მოლაპარაკებები ჩიხში შევიდა, ავსტრიელი ნახევარმცველი სხვა გუნდებთან კონტაქტს უარყოფს.

ლაიმერი მიუნხენში თავს კომფორტულად გრძნობს და გადაწყვეტილების მიღებას არ ჩქარობს. მისი მთავარი ფოკუსი სეზონის დასრულება და მოახლოებული მსოფლიო ჩემპიონატია. თუმცა, არსებული ვითარება კლუბისთვის საგანგაშოა.

ყველაზე რეალური სცენარია, რომ ლაიმერმა კონტრაქტი არ გაახანგრძლივოს და ხელშეკრულების ბოლო წელში შევიდეს — ზუსტად ისე, როგორც ეს ალფონსო დეივისმა და დაიო უპამეკანომ გააკეთეს. ეს ნიშნავს, რომ ბაიერნი კიდევ ერთი წამყვანი მოთამაშის უფასოდ დაკარგვის საფრთხის წინაშე დგას.