მსაჯთა ხელმძღვანელმა ბაიერნის მატჩის სადავო ეპიზოდებზე ისაუბრა

კნუტ კირხერმა, გერმანიის ფეხბურთის კავშირის მსაჯთა ხელმძღვანელმა, ჰარი კეინის გაუქმებულ გოლზე განაცხადა, რომ ეს ნამდვილად რთული ეპიზოდი იყო. მისი თქმით, კრისტიან დინგერტმა სცენა სწორად გადაამოწმა და დაასკვნა, რომ კეინმა კონტაქტის არეალი გაზარდა, რის გამოც მიიღო გადაწყვეტილება, რომ ეს ხელით თამაში იყო.

დიასის წითელ ბარათთან დაკავშირებით კირხერმა აღნიშნა, რომ დიასისთვის ნაჩვენები მეორე ყვითელი ბარათი სამწუხაროდ არასწორი იყო, მიუხედავად იმისა, რომ მსაჯის თვალით ეს ეპიზოდი სიმულაციას ჰგავდა. მისივე თქმით, კრისტიან დინგერტმა თავადაც აღიარა, რომ შეფასება არასწორი იყო.

ული ჰიონესის განცხადებაზე, რომელმაც თქვა, რომ ეს ბუნდესლიგაში ნანახი ყველაზე ცუდი მსაჯობა იყო, კირხერმა აღნიშნა, რომ ჰიონესს ძალიან ბევრი ბუნდესლიგის მატჩი აქვს ნანახი და თუ ის ასე ამბობს, ეს მისი პირადი აზრია. მან დაამატა, რომ არც დაეთანხმება ამ შეფასებას და არც შეეწინააღმდეგება.