„100 მილიონი? ვცდებოდი“ - ჰიონესის აღიარება ჰარი კეინზე

ული ჰიონესმა ჰარი კეინის ტრანსფერზე და მის მნიშვნელობაზე ვრცლად ისაუბრა და აღნიშნა, რომ ინგლისელი თავდამსხმელი დღეს ბევრად უფრო ძვირად ფასობს, ვიდრე ბაიერნმა გადაიხადა.

ჰიონესის თქმით, თავიდან თავადაც სკეპტიკურად უყურებდა 100-მილიონიან ტრანსფერს, თუმცა კეინის თამაშმა და გავლენამ გუნდზე ეს შეფასება სრულად შეცვალა. ახლა ბაიერნის წარმომადგენელი დარწმუნებულია, რომ ასეთ ფეხბურთელში 150 მილიონის გადახდაც გამართლებული იქნებოდა.

გარდა მოედანზე შედეგებისა, ჰიონესმა განსაკუთრებული ყურადღება გაამახვილა კეინის პიროვნებაზე. მისი თქმით, კეინი არა მხოლოდ გოლის მანქანაა, არამედ გუნდში მნიშვნელოვანი ფიგურაა, რომელიც ახალგაზრდა ფეხბურთელებს ეხმარება განვითარებაში და მათთვის მაგალითს წარმოადგენს.

ჰიონესმა ასევე აღნიშნა, რომ თანამედროვე ფეხბურთში ტოპ ვარსკვლავები შესაბამის ანაზღაურებას იმსახურებენ, თუმცა კლუბებისთვის მნიშვნელოვანია ბალანსის დაცვა და საშუალო დონის მოთამაშეებზე ზედმეტი თანხების არ დახარჯვა.