500 მილიონი დახარჯეს და მაინც ცუდი სეზონი აქვთ - ჰიონესის მკაცრი პასუხი ლივერპულს

მიუნხენის ბაიერნის საპატიო პრეზიდენტმა ული ჰიონესმა მაიკლ ოლისეს ლივერპულში შესაძლო ტრანსფერის შესახებ გავრცელებულ ხმებს მკაფიო პასუხი გასცა.

სააგენტო dpa-სთან საუბრისას ჰიონესმა აღნიშნა, რომ მიუნხენური კლუბი ოლისეს გაყიდვას არ აპირებს. მან ლივერპულის სატრანსფერო პოლიტიკა და მიმდინარე ფორმაც გააკრიტიკა და ხაზგასმით თქვა, რომ ინგლისურმა კლუბმა წელს 500 მილიონი დახარჯა, თუმცა მიუხედავად ამისა, ძალიან ცუდი სეზონი აქვთ.

სწორედ ამიტომ, ჰიონესის თქმით, ბაიერნი არ აპირებს საკუთარი ფეხბურთელის დათმობით ლივერპულს მომავალ წელს თამაშის ხარისხის გაუმჯობესებაში დაეხმაროს.