რთული თვე დაიწყო - ბაიერნი ჩემპიონთა ლიგისთვის ემზადება

აპრილის თვე ბაიერნისთვის სეზონის უმნიშვნელოვანესი პერიოდი იქნება. კრისტოფ ფროინდმა მედიასთან საუბრისას აღნიშნა, რომ გუნდი სრულ მზადყოფნაშია ჩემპიონთა ლიგის მეოთხედფინალური მატჩებისთვის.

“ახლა იწყება ნამდვილი ბრძოლა, აპრილში ყველაფერი გადაწყდება,” - განაცხადა სპორტულმა დირექტორმა.

რეკორდმაისტერი ბრწყინვალე ფორმაშია და ბუნდესლიგაში ლიდერობას ინარჩუნებს, თუმცა მთავარი მიზანი ევროპული ტიტულია. ვინსენტ კომპანის გუნდს წინ რთული გრაფიკი ელის, რომელიც 4 აპრილს ფრაიბურგთან გასვლითი მატჩით დაიწყება. გუნდში საბრძოლო განწყობაა და ყველა ფეხბურთელი ხვდება, რომ შეცდომის უფლება აღარ აქვთ.