ნიუბელი ბრუნდება? - ნოიერის ეპოქის დასასრული და ნიუბელის ამბიციური გეგმა

მიუნხენის ბაიერნში ნამდვილი სამეკარეო რევოლუცია მწიფდება. თუ ლეგენდარული მანუელ ნოიერი სეზონის ბოლოს კარიერის დასრულებას გადაწყვეტს, კლუბში კონკურენცია პიკს მიაღწევს.

ალექსანდრ ნიუბელი, რომელიც ამჟამად იჯარით შტუტგარტში ასპარეზობს, მზად არის მიუნხენში დაბრუნდეს და პირველი ნომრობისთვის იონას ურბიგს დაუპირისპირდეს.

ნიუბელისთვის, რომელსაც ბაიერნთან კონტრაქტი 2030 წლამდე აკავშირებს, დაბრუნება ორმაგად მომგებიანია. სპორტული კუთხით, მას სჯერა, რომ საკმარისი გამოცდილება დააგროვა ძირითადში ადგილის დასამკვიდრებლად. ფინანსური თვალსაზრისით კი, მიუნხენში წლიურად 11 მილიონ ევროს გამოიმუშავებს - თანხას, რომელსაც მას სხვაგან არავინ გადაუხდის. ამრიგად, მომავალ სეზონში ბაიერნის კარი შესაძლოა ორი ამბიციური გერმანელი გოლკიპერის ბრძოლის ველად იქცეს.