"ბარსელონას" ცენტრალურმა თავდამსხმელმა, რობერტ ლევანდოვსკიმ, 2019 წელს "ბაიერნში" პირველი დღები გაიხსენა და ასე შეაფასა "რეკორდმაისტერი":
"კარგად მახსოვს ჩემი პირველი დღეები "ბაიერნში", როდესაც პირველად ჩავიცვი ეს მაისური.. განსაკუთრებული გრძნობა იყო!
მაშინ ცხოვრებაში პირველად ვგრძნობდი, რომ დიდი კლუბის ფორმა მეცვა. ვიცოდი, რომ "ბაიერნი" ყოველ სეზონში იბრძოდა ყველა ტიტულისთვის - ბუნდესლიგა, თასი და ჩემპიონთა ლიგა.
ამიტომაც ჩავთვალე, რომ ეს ეტალონია, დიდი ნაბიჯი კარიერაში. საკუთარ თავს ვუთხარი: ეს არის გუნდი, რომელში ყოფნაც მინდა და რომელშიც დიდი ხანი დავრჩები", - განაცხადა ლევანდოვსკიმ 2019 წელს.
ახლა პოლონელი "ბარსელონას" საუკეთესო ფეხბურთელია, ის "ბაიერნიდან" კატალონიაში 2022 წლის 19 ივლისს გადავიდა.