მიუნხენის "ბაიერნისა" და "პსჟს" პირველი ტაიმი სტუმართა გამარჯვებით, ანგარიშით 1:2 დასრულდა.

სხვაობის მიუხედავად ძნელია იმის თქმა, რომ პარიზელები მეტოქეს რაიმე კომპონენტში ჯობიან.

"ბაიერნს" თითქმსი ყველა კომპონენტში მეტოქეზე უკეთესი ციფრები აქვს. ეს განსაკუთრებით კარგად ჩანს დარტყმებში, რომელიც 14 2-ის წინააღმდეგ არის.

ასევე, მიუნხენელებმა ჯამში 9 კუთხური მოაწოდეს, რაც ერთი ტაიმისთვის მართლაც წარმოუდგენლად დიდი რაოდენობაა.

სრული სტატისტიკა შემდეგნაირად გამოიყურება:

7-04-2021, 23:50

sandro

მეტის ნახვა

ერიკ მაქსიმ ჩუპო-მოტინგმა "ბაიერნისა" და "პსჟს" პირველი ტაიმის ბოლოს ანგარიშში სხვაობა მინიმუმამდე შეამცირა.

იხილეთ ვიდეო.

7-04-2021, 23:41

sandro

მეტის ნახვა

"ბაიერნისა" და "პსჟს" შეხვედრის 28-ე წუთზე სტუმრებმა ანგარიში 0:2 გახადეს.

"რეკორდმაისტერის" დაცვის უმძიმესი შეცდომის შემდეგ რაფა მარკინიოსმა გოლის გატანა მოახერხა.

იხილეთ ვიდეო.

7-04-2021, 23:32

sandro

მეტის ნახვა

"პსჟსთან" მატჩის დაწყებამდე მიუნხენის "ბაიერნის" ლიდერმა, რობერტ ლევანდოვსკიმ გერმანულ გამოცემა Sky-ს მცირე ინტერვიუ მისცა.

"მე ახლა სახლში ვარ, ოჯახთან ერთად. რა თქმა უნდა, მირჩევნოდა, რომ მინდორზე ვყოფილიყავი, მაგრამ ახლა ვერაფერს შევცვლით. სახლიდან ვქომაგობ ჩემს გუნდს."

"ყველაფერს ვაკეთებ, რათა მინდორზე მალევე დავბრუნდე. თუმცა, ეს მაშინ მოხდება, როდესაც თავს კარგად ვიგრძნობ." - აცხადებს ლევანდოვსკი.

პოლონელმა გამოცემასთან საუბრისას ასევე დაადასტურა, რომ ის "პსჟს" წინააღმდეგ განმეორებით მატჩში მონაწილეობას ვერ მიიღებს.

7-04-2021, 22:20

sandro

მეტის ნახვა

"ბაიერნისა" და "პსჟს" მატჩის დაწყებამდე მცირე ხნით ადრე "რეკორდმაისტერის" გვერდი სოციალურ სივრცეში პოსტს აქვეყნებს.

როგორც ჩანს, ამ მომენტში გერმანისი ქალაქ მიუნხენში თოვლია და გამონაკლისი არც "ალიანს არენაა".

იხილეთ კადრები "ბაიერნის" საშიანო არენადან:

7-04-2021, 22:14

sandro

მეტის ნახვა

ჩემპიონთა ლიგის 1/4 ფინალური ეტაპის პირველ მატჩში მიუნხენის "ბაიერნი" საკუთარ კედლებში "პსჟს" მიიღებს.

თამაშის დაწყებამდე მცირე ხნით ადრე გუნდების მთავარმა მწვრთნელებმა სასტარტო შემადგენლობები დაასახელეს.

"ბაიერნი": ნოიერი - პავარი, ზულე, ალაბა, ერნანდესი - კიმიხი, გორეცკა - სანე, მიულერი, კომანი - ჩუპო მოტინგი.

"პსჟ": ნავასი - დაგბა, მარკინიოსი, კიმპემბე, დიალო - გაიე, დანილო - დრაქსლერი, დი მარია, ნეიმარი - მბაპე.

7-04-2021, 21:54

sandro

მეტის ნახვა

სტატისტიკურმა გამოცემა Whoscored-მა საკუთარი რეიტინგების მიხედვით მიუნხენის "ბაიერნისა" და "პსჟს" კომბინირებული თერთმეტეული გამოავლინა.

შემადგენლობაში ის მოთამაშეები მოხვდნენ, რომლებსაც ჩემპიონთა ლიგის მიმდინარე სეზონში ყველაზე მაღალი რეიტინგები აქვს და დღეს გასამართ მატჩში მიიღებენ მონაწილეობას.

თერთმეტეულში "ბაიერნის" მხრიდან 6 ფეხბურთელი მოხვდა,

სრული შემადგენლობა შემდეგნაირად გამოიყურება:

7-04-2021, 16:23

sandro

მეტის ნახვა

გერმანული გამოცემა BILD ჰანს ფლიკის მომავალთან დაკავშირებით საგანგაშო ინფორმაციას ავრცელებს.

წყაროს ცნობით, 56 წლის სპეციალისტმა კლუბს აცნობა, ამჟამინდელი სიტუაციით უკმაყოფილოა და რომ ზაფხულში "ბაიერნის" რიგების დატოვების ვარიანტს განიხილავს.

მთავარ პრობლემას მისი და ჰასან სალიჰამიჯიჩის დაძაბული ურთიერთობა წარმოადგენს. მხარეები სხვა მრავალ საკითხთან ერთად ტრანსფერებზეც ვერ თანხმდებიან.

BILD-ის ინფორმაციით, ფლიკს გარკვეული ცვლილებები სურს ზაფხულში შემადგენლობის მხრივ, თუმცა, სალიჰამიჯიჩი სხვა აზრზეა. რაც შეეხება კლუბს, "ბაიერნში" მიიჩნევენ, რომ ტრანსფერები კლუბის ბორდის საქმეა, ხოლო მწვრთნელმა კი მის განკარგულებაში მყოფ ფეხბურთელებს უნდა მიხედოს.

როგორც ცნობილია, ფლიკს ამ ეტაპზე არ სურს გარკვეული საჯარო განცხადებების გაკეთება, რადგან ამით საფრთხეში ჩააგდებს "ბაიერნის" ამბიციებს ბუნდესლიგასა და ჩემპიონთა ლიგაზე. სეზონის დასრულების შემდეგ კი ის აუცილებლად ჩაატარებს შეხვედრებს კლუბის მესვეურებთან.

7-04-2021, 12:26

sandro

მეტის ნახვა

რამდენიმე დღის წინ გავრცელდა ინფორმაცია იმის შესახებ, რომ ჟერომ ბოატენგი სეზონის ბოლოს მიუნხენის "ბაიერნის" რიგებს დატოვებს.

ამ თემაზე კითხვა პრესკონფერენციაზე ჰანს ფლიკს დაუსვეს. როგორც ჩანს, უმნიშვნელოვანესი მატჩის წინ მსგავსი ინფორმაციის გუნდიდან გაჟონვამ "ბაიერნის" დამრიგებელი ძალიან გააბრაზა.

"არ ვიცი, ეს ინფორმაცია საიდან მოხვდა მედიაში." - სწორედ ასეთი პასუხი გასცა ფლიკმა დასმულ შეკითხვას.

როგორც BILD ავრცელებს, ბოატენგის თემა დიდი ხანია რაც ფლიკსა და სალიჰამიჯიჩს შორის კონფლიქტის ერთ-ერთი მიზეზია.

გუნდის დამრიგებელს სურს, რომ ვეტერანი მცველი "ბაიერნში" დარჩეს, თუმცა, საწინააღმდეგო აზრზეა სალიჰამიჯიჩი.

7-04-2021, 00:59

sandro

მეტის ნახვა

ფრანგული "პსჟს" პირველმა ნომერმა, კეილორ ნავასმა "ბაიერნთან" მატჩამდე მანუელ ნოიერზე ისაუბრა.

"ნოიერი დიდებული მეკარეა, თუმცა, ეს არ იქნება ჩვენი დუელი. ჩვენ არ ვთამაშოთ ჩოგბურთს და არც ერთმანეთს ვუპირისპირდებით ერთი-ერთზე."

"თანამედროვეობაში არაერთი დიდებული მეკარეა. საუკეთესოს ტიტულს ბევრი მათგანი იმსახურებს. ვფიქრობ, 5-6 მეკარის გამორჩევა შეიძლება." - აცხადებს ნავასი.

შეგახსენებთ, რომ "ბაიერნისა" და "პსჟს" 1/4 ფინალური ეტაპის პირველი მატჩი 7 აპრილს, თბილისის დროით 23:00 საათზე გაიმართება.

6-04-2021, 23:50

sandro

მეტის ნახვა

მიუნხენის "ბაიერნი" და "პსჟ" უკანასკნელად ერთმანეთს ჩემპიონთა ლიგის ფინალში დაუპირისპირდნენ.

ერთად გავიხსენოთ ეს შეხვედრა საინტერესო ქვიზის დახმარებით.

6-04-2021, 21:54

sandro

მეტის ნახვა

ფრანგული "პსჟს" მთავარმა მწვრთნელმა, მაურისიო პოჩეტინომ "ბაიერნთან" მატჩამდე პრესკონფერენცია ჩაატარა.

"ყველა გუნდს თავისი ხასიათი აქვს. "ბაიერნი" მაღალ პრესინგს თამაშობს. მათი შემტევები მუდმივად ცდილობენ დაარღვიონ შენი დაცვის ხაზი. მნიშვნელოვანი იქნება მომდევნო მატჩში, რომ საშიშ ზონებში ბურთი იშვიათად დავკარგოთ."

"ვიცით, რომ "ბაიერნს" დანაკლისი აქვს, თუმცა, ასეთივე სიტუაციაა ჩვენს გუნდშიც. მიმდინარე სეზონში ეს ბევრი მწვრთნელის პრობლემაა და ამას უნდა შევეგუოთ."

"გნაბრი და ლევანდოვსკი დიდებული ფეხბურთელები არიან, მაგრამ "ბაიერნის" მთავარი სიძლიერე მთლიანი კოლექტივია. სწორედ ამის წყალობით მოიგეს ჩემპიონთა ლიგა და საკლუბო მუნდიალი."

"მჯერა, რომ პლეი-ოფის ეტაპზე ყველა გუნდს აქვს შანსი. ვიცით, რომ "ბაიერნი" ევროპის ჩემპიონი და მსოფლიოს უძლიერესი კლუბია. მაგრამ, ჩვენ ასევე გვსურს ამ ტიტულის მოგება. საკუთარი სიძლიერის რწმენა არავის გვაკლია." - აცხადებს პოჩეტინო.

6-04-2021, 21:07

sandro

მეტის ნახვა

ფრანგულ "პსჟსთან" დაპირისპირებამდე 1 დღით ადრე მიუნხენის "ბაიერნის" გულშემატკივრებისთვის სამწუხარო ინფორმაცია დადასტურდა.

სამშაბათს დილით სერჟ გნაბრიმ პისიარ ტესტი ჩაიტარა, რომელმაც დადებითი პასუხი აჩვენა.

სამწუხაროდ, ფეხბურთელი "პარისსენჟერმენის" წინააღმდეგ ორივე მატჩს გამოტოვებს.

ინფორმაცია პრესკონფერენციაზე "ბაიერნის" მთავარმა მწვრთნელმა, ფლიკმაც, დაადასტურა.

შეგახსენებთ, რომ ტრავმის გამო "პსჟს" წინააღმდეგ მონაწილეობას ვერ მიიღებს გუნდის კიდევ ერთი ლიდერი, რობერტ ლევანდოვსკი.

6-04-2021, 18:47

Skecher

მეტის ნახვა

"ბაიერნის" მთავარმა მწვრთნელმა ჰანს ფლიკმა "პარისსენჟერმენთან" მატჩისწინა პრესკონპერენციაზე თავისი ფეხბურთელების შესახებ ისაუბრა.

"მარკ როკამ კვირას  ტრავმა მიიღო და დღეს ის ვერ დაგვეხმარება. ეჭვქვეშაა სერჟ გნაბრის თამაშიც, რადგან მას ყელი სტკივა."

"ახლა ჩვენთვის გასული წლის ფინალი  აქტუალური არ არის. ხვალ სულ სხვაგვარი თამაში გველის განსხვავებული გუნდის წინააღმდეგ.."

"მათ მწვრთნელი შეიცვალეს. ჩვენი მიზანია ორმატჩიან ბრძოლაში გავიმარჯვოთ და ნახევარფინალში გავიდეთ."

"სასტარტო შემადგენლობა? დღეს ვინც გუნდთან ერთად ივარჯიშა ყველა მზად არის სათამაშოდ. ამ კითხვას ღიად დავტოვებ. ხვალ გადავწყვეტ ვინ იქნება თერთმეტეულში."

"პსჟს ძლიერი დაცვის ხაზი და მეკარე ჰყავს, ასევე, რა თქმა უნდა, მათი შეტევაც უდიდეს პრობლემას წარმოადგენს მეტოქისთვის. ეს ამ კლუბის მთავარი სიძლიერეა." - აცხადებს ფლიკი.

6-04-2021, 18:32

Skecher

მეტის ნახვა

ოთხშაბათს, 7 აპრილს ჩემპიონთა ლიგის პირველი 1/4 ფინალური ეტაპის მატჩი გაიმართება, რომელშიც მიუნხენის "ბაიერნი" საკუთარ კედლებში "პსჟს" მიიღებს.

თამაშამდე ერთი დღით ადრე პარიზელთა მთავარმა მწვრთნელმა, მაურისიო პოჩეტინომ განაცხადი დაასახელა.

გუნდს მიუნხენში კოვიდინფიცირებული მარკო ვერატისა და ალესანდრო ფლორენცის გარდა ასევე არ ეყოლება ხუან ბერნატი, მაურო იკარდი, ლეონ კურჟავა და ლეანდრო პარედესი.

სრული განაცხადი შემდეგნაირად გამოიყურება:

6-04-2021, 13:07

sandro

მეტის ნახვა

ცნობილმა გამოცემა Tribuna.com-მა 2021 წლის ოქროს ბურთის ფავორიტების სია დაასახელა.

გასაკვირი არ იქნება თუ გეტყვით, რომ პირველ ადგილზე მიუნხენის "ბაიერნის" ლიდერი, რობერტ ლევანდოვსკი იმყოფება.

პოლონელ თავდამსხმელს მიმდინარე სეზონში ბუნდესლიგის, ჩემპიონთა ლიგისა და ევრო 2020-ის მოგების შანსი აქვს და წარმატების მიღწევის შემთხვევაში მართლაც ბრწყინვალე შანსი აქვს ოქროს ბურთის დაუფლების.

საუკეთესო ათეული შემდეგნაირად გამოიყურება:

10. რუბენ დიაში

9. ქარიმ ბენზემა

8. ბრუნო ფერნანდეში

7. კრისტიანო რონალდუ

6. რომელუ ლუკაკუ

5. ილქაი გუნდოგანი

4. ერლინ ჰოლანდი

3. კილიან მბაპე

2. ლეო მესი

1. რობერტ ლევანდოვსკი

6-04-2021, 12:39

sandro

მეტის ნახვა